ЯАГААД НОХОС ГЭЖ?
Ноос нь дулаан байлгах чадвараараа өвлийн гайхалтай даавуу гэдгээ эртнээс хүлээн зөвшөөрөгдөж, өндөр загварын салбарт өргөнөөр ашиглагдаж ирсэн. Ноосны ёс зүй болон тогтвортой байдлын талаар илүү гүнзгийрүүлэн авч үзье.
НООС ТОГТВОРТОЙ ЮУ?
Ноос бол голчлон хонины ноосноос гаргаж авдаг эслэг юм. Энэхүү эслэг нь хяргасны дараа жил бүр дахин ургадаг.
Ноос нь 100% биологийн задралд ордог, байгалийн гаралтай, нөхөн сэргээгддэг, байгаль орчинд бага нөлөө үзүүлдэг эслэг юм. Энэ нь синтетик эслэгээс ялгаатай нь бүрэн байгалийн гаралтай эх үүсвэрээс гаргаж авдаг. Хөвөн, маалинга зэрэг байгалийн бусад эслэгээс ялгаатай нь ноос ургахад ямар ч пестицид, бордоо шаарддаггүй.
Түүнчлэн, бусад эслэгүүдтэй харьцуулахад бага эрчим хүч (полиэстерээс 18%-иар бага) болон ус (70%-иар бага) зарцуулдаг. Хэдийгээр ноос нь синтетик болон байгалийн бусад эслэгүүдээс илүү байгальд ээлтэй материал боловч хүлэмжийн хийн ялгаруулалтыг (ялангуяа метан) үүсгэдэг.
НООСЫГ ХАРИУЦЛАГАТАЙГААР ГАРГАЖ АВЧ БОЛОХ УУ?
Ноос нь боловсруулалт болон хаягдлын үе шатандаа тогтвортой байдаг ч ноосыг гаргаж авах үйл явцыг мөн анхаарах хэрэгтэй.
Ноосны нийлүүлэлтийн сүлжээний тогтвортой байдалд анхаарах ёстой гол зүйл бол үйлдвэрлэлийн үе шат бөгөөд энэ үе шатанд ноос үйлдвэрлэлд ашиглагдаж буй хонины ёс зүйтэй харьцааг хангах ёстой.
Ноос нь амьтнаас гаралтай тул тэдний сайн сайхан байдал нь чухал ач холбогдолтой юм. Харамсалтай нь, бүх амьтдыг ёс зүйтэйгээр харьцдаггүй бөгөөд ноосны уламжлалт аж ахуй нь амьтдад ёс зүйгүй хандах явдлыг агуулж болзошгүй юм.
HUSUG БРЭНДИЙН НООС НИЙЛҮҮЛЭЛТЭД БАРИМТЛАХ ИЛ ТОД БАЙДАЛ БОЛОН НИЙГМИЙН ХАРИУЦЛАГА
Технологи, үйлдвэрлэл, зах зээлийн хооронд бат бөх холбоог бий болгох нь Husug-ийн бизнесийн загварын тулгын чулуу юм. Бид эдгээр асуудлыг шийдвэрлэхийн тулд түүхий эд нийлүүлэгчид, боловсруулах үйлдвэрүүд болон үйлдвэрлэгчдийн сүлжээг бий болгосон.
Бид ханган нийлүүлэгчдээ сонгохдоо чанд хатуу стандартыг баримталдаг. Бидний түншлэл зөвхөн тогтвортой туршлагыг дагаж мөрддөг, баталгаажсан түүхий эд нийлүүлэгчидтэй байдаг.
Цаашилбал, бид байгаль орчинд үзүүлэх сөрөг нөлөөллийг хамгийн бага түвшинд байлгах боловсруулах үйлдвэрүүдийг анхааралтай сонгодог.

